فيديو

شيلة مسا البارح | عبدالله الطواري


مسا البارح ومع فارق الشوق والتوقيت…

سرت بي هواجيسي ولاعاد جابوني
انا حد علمي بي قبل لااكتب أول بيت…

وأنا ماوعيت إلا وهالناس يقروني
تغنوا على حزني طرب وانت كيف امسيت…

تعبت ازرع شعوري واكسر لك غصوني
لك الحب يجمعني حطب والوله كبريت…

مسا البارح طيوفك لقوني وشبوني
وانا مع طيوفك لين قبل الفجر واحييت…

تفاصيل ليلٍ يزرع السهد بجفوني
يالولاك يامساحة الصبح كان ابطيت…

وانا استحضر احساسي واهيجن لك شجوني
أنا ان غبت عنّك يوم / يومين لك عنّيت…

هذا وانت بعروقي وقلبي وبعيوني
ياليتك على طيوفك قبل لاتجي عييت…

وياليت الظروف اليا تمنيت طاعوني
يابو قلبٍ أطهر من ثيابك إليا صلّيت…

ويابو ضحكةٍ من تبتسم يبتسم كوني
ويابو وجهٍ يغار القمر منْك لاطلّيت…

وش العمر من دونك؟ ودنياك من دوني؟
دخيلك اليا من جابني طاري وحنيت…

لاتذخر من احساس الوله شي لعيوني
معاك المشاعر طبّقت خطّة التكويت…

تمنّيتك انت و واجد اللي تمنوني

 

للتحميل mp3

9tSuC

الوسوم
محرك بحث شيلات ليل ومطر

مقالات ذات صلة

اترك رد

شاهد أيضاً

إغلاق
إغلاق
%d مدونون معجبون بهذه: