فيديو

شيلة الشاعر بندر ب زوجته عهود

لعيونها ابقنص البيت الشرود
ويصير من بعدها تحت الامر
ويطيعني مثل طوع ام الورود
اللي على بالي وقلبي تمر
اللي تدفيني بوقت البرود
دفاء نفسها مثل حر الجمر
حرارة انفاسها يروي كبود
شوق وفناجيل قهوه مع تمر
وكلامها ينهي جدال الردود
خليط بين البداوه والحضر
وعيونها موج بحر بلا حدود
هو فيه احد يقدر يقاوم بحر ؟
وشموخها ذكر لتراث الجدود
اهل الكرم والمكارم والصبر
والخصر يحكي فقر مافيه زود
والرزق فوق وتحت فقر الخصر
والوجه يسحب نظرك ولايعود
بالضبط كنك تناظر بالقمر !!
والشعر ليل اول الشهر معدود
ليلن بليا قمر وصف الشعر !!
همسك جنوبي ماينقص ما يزود
واحساسك الورد واغصان الشجر
وحضورك البرق واصوات الرعود
اللي تبشر عيوني بالمطر
هذي هي مواصفاتك ياعهود
تجمعت فيك واصبحتي سحر ؟
اصدع بما قلت من دون القيود
وماني بحاجة شهود من البشر
ي فداك بندر وحبه لك يزود
يفداك شعره ويفداك الشعر
وقتي ونبضي على شعري شهود
من اول العمر لين اخر عمر

الوسوم
محرك بحث شيلات ليل ومطر

مقالات ذات صلة

اترك رد

إغلاق
%d مدونون معجبون بهذه: