فيديو

شيلة سلايل اللي تشبع الطير والذيب ‏كلمات عبدالكريم المحينيش ‏آداء محمد السريح ‏

دام البقا يا مكثرين التراحيب
ترحيبكم للضيف يسبق سلامه

قولة هلا مع ريحة الهيل والطيب
يكرم بها الكريم قبل الكرامه

الهيل عطّت خنته ف اول السيب
والعود جاين له علينا غمامه

خطرٍعلى بعض الصدورالمعاطيب
من ينكتم. لا تلحقونه ملامه

هاذي عوايد ناطحين المواجيب
والرجل تعرف قيمته من مقامه

مناسب الطيب تحده على الطيب
من خاله وجده وابوه وعمامه

وانتم معازيب الوفا يالمعازيب
ياللي. لكم فالطيب ذروة سنامه

في محفل احمد حصان الاطاليب
واخوانه اللي للشدايد حزامه

عيال عودٍ ينطح الصعب لاهيب
عودٍ لامنه قال يحمى كلامه

من جاب شرواكم ولو راسه يغيب
تبقى مكانة هيبته واحترامه

انتم لكم فالمجد حظ وتواهيب
وانتم هله من يوم وقت القوامه

قساسمه والصيت فوق المراقيب
من الخليج ليا شواطي تهامه

سلايل اللي تشبع الطير والذيب
عتيبه الهيلا رموز الزعامه

قوم لنا فوق الثريا مراكيب
وخشم المراجل في يدينا خطامه

من فضل ربي مادخل طيبنا ريب
تكاملت فينا خصال الكرامه

خوينا ندراه لاياطي العيب
وادخيلنا يبشر بدرب السلامه

والضيف يبشر بالشبب والتراحيب
والا. العدو يبشر بكاس الندامه

في خلقنا ميزه وفينا تعاجيب
الله نزع منا عروق الرخامه

اليا لحقنا القود عوج العراقيب
عدونا قامت علاه القيامه

نردها لو هو بخضر المشاعيب
من طبعنا مانعرف الانهزامه

وقتٍ مضى يوم الليالي شلاهيب
قدام حكم العود قصر اليمامه

حكمٍ بظله صارو القوم اصاحيب
وقت الجهل والظلم ولّى ظلامه

في دولةٍ للدين فيها محاريب
والشرع فيها ماتغير نظامه

الله يحفظها بامر عالم الغيب

الوسوم
محرك بحث شيلات ليل ومطر

مقالات ذات صلة

اترك رد

إغلاق
%d مدونون معجبون بهذه: