الرئيسية / خواطر وقصائد / قصيدة ليله وداعيه كلمات زياد النفاخ القاء عبدالله الثبيتي

تابعنا علي الانستجرام  تابعنا علي السناب

قصيدة ليله وداعيه كلمات زياد النفاخ القاء عبدالله الثبيتي

عسى الله يعين القلب فـ مفارق الغالين
بعد شوفة الاحباب .. ليلة وداعيه
سهرنا سوى .. والليل عدّا منه ثلثين
وبعده توادعنا فـ لحظه مصيريه
وبديت بحياة ثانيه ليلها ليلين
وقلبي طواه الهم .. طيه ورى طيه
ياوقتي ترفق بي .. فراق الحبايب شين
ترفق بحال اللي حياته شقاويه
اليا مره الطاري تهامل دموع العين
من احزانه اللي تحت الاضلاع مخفيه
يحاول يعديها ويسلى مع السالين
وهو كل ساعة في خيالات ماضيه
سقى الله سنين العمر .. يوم الزمان الزين
مانَعرف هموم الوقت ذيه ولا ذيه
ياذيك الليالي وين رحتي وحنا وين
خذتنا ظروف الوقت .. كلٍ على نيه
ليالٍ عساها  تْعود مادامنا حيين
وتشوف الحياه الحلوة نفوسنا الحيه
غريب المشاعر حن لارضه وللغالين
ولايامه اللي قبل يوم الوداعيه

شاهد أيضاً

قصيدة احسبك كلمات عبدالله الرزقي القاء عبدالله الثبيتي

ياروح روحي وش الي جاك عنيتني فوق مافيني واوجد حالي على فرقاك وش له تروح …

اترك رد

%d مدونون معجبون بهذه: